影片
更多
2021-07-11
417 浏览
约咗朋友去鲗鱼涌公园行下，顺便一齐食晏。朋友话鲗鱼涌出名系美食沙漠，所以佢平日甚少会踏足呢区，问我可有什么好推介？鲗鱼涌虽然工厦临立，附近又无大型商场，不过其实区内亦暗藏不少心机小店，今次就一于由我带路，嚟海光街呢间传统槟城「虾面店」，一尝店里的美食。餐厅最近搬咗新铺，环境比旧店阔落得多，加上由门面到室内装修都以白色为主调，清新简约，感觉通爽舒适。友人一坐低就第一时间拣咗个咖喱喇沙同白胡椒肉骨油条，而我就点咗个马来咖喱鸡饭，另外再加咗两款小食。鸡丝鸡蛋面配咖喱喇沙汤底 ($69) 汤底用猪骨、鲜鸡、南姜、香茅，再连同适量椰奶熬煮而成，上桌时热辣辣、香喷喷。呷一口，辣味无传统喇沙咁重，入口浓而不腻。面底选了新加坡传统掺掺，即油面+米粉，加上鸡丝、鸡蛋、豆卜和芽菜等配料，口感丰富有层次。马来咖喱鸡饭 ($60)，咖喱汁好有特色，用咗超过十种香料手工炒制，味道复杂得嚟又唔抢喉。鸡件已去骨鸡，入口啖啖肉；薯仔粉腍入味，配埋个咖喱汁，浓香醒胃，送饭一流。至于呢个白胡椒肉骨油条 ($62) 亦好有惊喜，真系无谂过会咁大份，仲要系用煲仔上。汤底带阵阵白胡椒香气，喝起来温和又不呛喉，肉骨鲜味十足，
鲗鱼涌虽然工厦临立，附近又无大型商场，不过其实区内亦暗藏不少心机小店，今次就一于由我带路，嚟海光街呢间传统槟城「虾面店」，一尝店里的美食。
餐厅最近搬咗新铺，环境比旧店阔落得多，加上由门面到室内装修都以白色为主调，清新简约，感觉通爽舒适。
友人一坐低就第一时间拣咗个咖喱喇沙同白胡椒肉骨油条，而我就点咗个马来咖喱鸡饭，另外再加咗两款小食。
鸡丝鸡蛋面配咖喱喇沙汤底 ($69) 汤底用猪骨、鲜鸡、南姜、香茅，再连同适量椰奶熬煮而成，上桌时热辣辣、香喷喷。呷一口，辣味无传统喇沙咁重，入口浓而不腻。面底选了新加坡传统掺掺，即油面+米粉，加上鸡丝、鸡蛋、豆卜和芽菜等配料，口感丰富有层次。
马来咖喱鸡饭 ($60)，咖喱汁好有特色，用咗超过十种香料手工炒制，味道复杂得嚟又唔抢喉。鸡件已去骨鸡，入口啖啖肉；薯仔粉腍入味，配埋个咖喱汁，浓香醒胃，送饭一流。
至于呢个白胡椒肉骨油条 ($62) 亦好有惊喜，真系无谂过会咁大份，仲要系用煲仔上。汤底带阵阵白胡椒香气，喝起来温和又不呛喉，肉骨鲜味十足，油条索满了白胡椒精华，非常美味。
另外两个小食就点咗沙嗲酱鱿鱼翼 ($42) 同 五香脆炸豆腐豆卜 ($28)，鱿鱼翼爽脆有嚼口，加上沾满了特制沙嗲酱，十分冶味！配料仲有芽菜同秋葵，好丰富。豆腐豆卜炸至脆卜卜，非常香口，点酸甜酱吃，相当开胃。
跟餐饮品点咗冻冰糖柠檬薏米水 (+$18) 同 冻杏仁霜 (+$10)，薏米水酸酸甜甜、杏霜香滑顺喉，两杯味道都唔错。
张贴
