影片
更多
2020-10-12
776 浏览
所谓老店，其实就系承传与坚持，背后要有人守业开拓。因为要付出努力，所以才得以尊重。德发粥品至少已经第三代，由我细细个见老板娘掌舵，到后来嘅大少，到而家见到个孙出嚟帮手。几代人服务附近街坊、邻近医院病友、连我自己病都一定过嚟买粥，食完真系觉得好啲㖞！😅 咁多年价格加幅唔多，比坊间连锁粥店平好多！店内由几蚊一碟嘅肠粉、各式油器、糕点、粥品、炒粉面、咸肉粽都系自家制作，诚意满分！今日等我介绍一下几款必食推介炸两（$10）油炸鬼同肠粉都系自家出品，因为销量高，流量多又快，几乎系即叫即做，所以每碟炸两都皮嫰馅脆，香到不得了！而且每碟炸两分量足，但只卖良心价$10，边度揾？咸肉粽（$16）我个人钟意多绿豆嘅咸肉粽，冇咁滞。店内嘅咸肉粽质感结实，绿豆超多，仲有肥猪肉同蛋黄，咁足料都只系$16，抵抵抵！艇仔粥（$16） 店内嘅粥品种类越来越多，仲久唔久就出新粥品，好似海鲜粥、粟米粥、菜干粥之类。粥底好绵但又食到米粒，好有质感。艇仔粥有牛肉碎、猪皮、水鱿、鱼蛋片、花生。材料足，味道好，系我嘅必点之一。另一推介系牛肉粥（碎牛），皮蛋咸瘦肉粥。店内阿姐虽然大大声，但效率奇高，一般粥品，叫完30秒内就到你枱面
德发粥品至少已经第三代，由我细细个见老板娘掌舵，到后来嘅大少，到而家见到个孙出嚟帮手。几代人服务附近街坊、邻近医院病友、连我自己病都一定过嚟买粥，食完真系觉得好啲㖞！😅 咁多年价格加幅唔多，比坊间连锁粥店平好多！
店内由几蚊一碟嘅肠粉、各式油器、糕点、粥品、炒粉面、咸肉粽都系自家制作，诚意满分！今日等我介绍一下几款必食推介
炸两（$10）油炸鬼同肠粉都系自家出品，因为销量高，流量多又快，几乎系即叫即做，所以每碟炸两都皮嫰馅脆，香到不得了！而且每碟炸两分量足，但只卖良心价$10，边度揾？
咸肉粽（$16）我个人钟意多绿豆嘅咸肉粽，冇咁滞。店内嘅咸肉粽质感结实，绿豆超多，仲有肥猪肉同蛋黄，咁足料都只系$16，抵抵抵！
艇仔粥（$16） 店内嘅粥品种类越来越多，仲久唔久就出新粥品，好似海鲜粥、粟米粥、菜干粥之类。粥底好绵但又食到米粒，好有质感。艇仔粥有牛肉碎、猪皮、水鱿、鱼蛋片、花生。材料足，味道好，系我嘅必点之一。另一推介系牛肉粥（碎牛），皮蛋咸瘦肉粥。
店内阿姐虽然大大声，但效率奇高，一般粥品，叫完30秒内就到你枱面。而且超细心，外卖包得好扎实。疫情关系，店内虽小，但卫生打扫防疫步骤都做足。对于咁用心嘅小店，点会唔支持呢？
炸两
$10
58 浏览
0 赞好
0 留言
咸肉糭
$16
67 浏览
0 赞好
0 留言
艇仔粥
$16
46 浏览
0 赞好
0 留言
张贴
