鳴橋燒肉料理 (已結業)

除左旺角大街，话说原来砵兰街都有好多美食，今次系朋友带领之下，黎左依间烧肉放题店，烧肉同刺身都系任叫任食，而价钱仲要唔贵，今次真系大饱口福啦一开始叫左饺子同甜蕃薯填下肚先，细细份当前菜食唔会太饱肚。刺身黎啦！虽然系任食，但质素都唔差，三文鱼，北寄贝，章鱼，带子，仲有好多...基本上menu上有嘅都有叫，卖相好之余，味道都唔错，有牛，鸡，猪，羊，海鲜，熟食同刺身。有d肉款有2只不同嘅调味，食落好有新鲜感呀，特别系辣味嘅，唔辣但好野味，同时都食到佢嘅原汁原味。我特别钟意一口牛粒，原粒原味，肥瘦均匀，好似食紧A5和牛粒，沾少许盐调味，相当唔错嘅选择。店员一开始会po张牛油纸系烧盘上面，应该系令d肉无咁容易烧焦，同埋好似干净d，好细心嘅服务，令到我烧出黎嘅肉都好靓仔。帆立贝好新鲜亦都好大粒呀，烧出黎好鲜甜juicy，而我个fd都话虎虾好好味，可以再试。