麺屋武蔵 (已結業)

星期日同屋企人去将军澳食日本野，经过一间几多人排队嘅面屋，决定入去食拉面，找出大排长龙的原因。呢间拉面店主打白赤黑三款浓汤拉面，屋企人港漫想食啲龙尾啲辣辣地开胃嘅拉面，就拣咗赤武骨肉片拉面 （$75）实物同餐牌上嘅图片一样咁多𩠌菜，份量十足，名副其实㖞。拉面上面嘅糖心蛋晶莹剔透，咬落去渗出阵阵酱油香味，咸度刚好，吸收埋微辣嘅猪骨汤底😍， 十分高质！豚肉片亦都好新鲜，肥瘦分布均匀，跟住叫咗一碗明太子玉子小碗饭 （$42），虽然话系小碗，但唔好睇小佢嘅份量，一个人食晒都几饱，滑蛋上有整整一汤匙份量嘅明太子，香滑嘅炒蛋衬托出啖啖明太子既鲜味，成碗饭嘅配料虽然简单冇咩花巧，但每啖都系真材实料。最后加多左一个小食，系唐掦豆池鱼，第一次食豆池鱼，望落去短小精悍，每条都好饱满，新鲜炸出嚟脆卜卜，味道甘香，$45唔算贵。