影片
更多
2021-03-30
1868 浏览
大埔晚餐选择好多，但系呢晚想食啖啖肉，就俾呢间吸引咗眼球。睇过铺头名都知道专食牛扒，而且无论系个名定系装修都非常日式小店风，有一种去咗日本嘅感觉。呢度嘅餐牌全部都系牛扒，唔同种类嘅牛肉一目了然。牛肉仲会喺橱窗度show出嚟，拣中咗边一个部位，店面就会喺你面前磅重同埋问你要乜嘢配料，有葱油蒜油俾你拣。我同friend就分别叫咗牛后腰同西冷牛柳。西冷牛柳叫咗400GRAM，非常厚切，真系冇花冇假，完全满足啖啖肉嘅需求！值得一赞嘅系铁板真系非常够热，店员话铁板会将五成熟烧到七成熟左右。我哋块牛扒一上碟都系几红下嘅，但煎一剪就会熟咗。因为真系香煎，牛扒一啲都唔韧，牛后腰部位会比较有牛味。块牛扒外层剪得有少少香口，里面软熟，真系几好食。不过西冷牛扒比起牛后腰个牛味就差咁少少。牛扒可以升级做两款唔同嘅套餐，我哋就加咗面豉汤同沙律。沙律大大碗出乎意料好食，唔系就咁得几条菜而系真系成碗都满晒，同埋好多汁（我个人比较钟意多汁嘅沙律）。牛扒附送嘅酱汁都几特别，有啲柚子味，可以去一去牛扒本身嘅油腻，呢个酱汁真系夹得唔错。总括来讲我觉得呢间真系满足到啖啖肉嘅需求，特别适合一啲想食啲比较好嘅牛扒但系又唔想食太贵
呢度嘅餐牌全部都系牛扒，唔同种类嘅牛肉一目了然。牛肉仲会喺橱窗度show出嚟，拣中咗边一个部位，店面就会喺你面前磅重同埋问你要乜嘢配料，有葱油蒜油俾你拣。
我同friend就分别叫咗牛后腰同西冷牛柳。西冷牛柳叫咗400GRAM，非常厚切，真系冇花冇假，完全满足啖啖肉嘅需求！
值得一赞嘅系铁板真系非常够热，店员话铁板会将五成熟烧到七成熟左右。
我哋块牛扒一上碟都系几红下嘅，但煎一剪就会熟咗。因为真系香煎，牛扒一啲都唔韧，牛后腰部位会比较有牛味。
块牛扒外层剪得有少少香口，里面软熟，真系几好食。不过西冷牛扒比起牛后腰个牛味就差咁少少。
牛扒可以升级做两款唔同嘅套餐，我哋就加咗面豉汤同沙律。沙律大大碗出乎意料好食，唔系就咁得几条菜而系真系成碗都满晒，同埋好多汁（我个人比较钟意多汁嘅沙律）。
牛扒附送嘅酱汁都几特别，有啲柚子味，可以去一去牛扒本身嘅油腻，呢个酱汁真系夹得唔错。
总括来讲我觉得呢间真系满足到啖啖肉嘅需求，特别适合一啲想食啲比较好嘅牛扒但系又唔想食太贵嘅人，选择因为呢度系根据你选择嘅重量同部位去定价钱嘅，平有平食，贵有贵食，同埋都算系快餐。我哋食咗呢两块牛柳就分别大概200蚊到。
但系都有样唔好就系如果咁啱𠮶块肉系多筋嘅话就会嘥咗啲重量。
张贴
