雞仔去骨海南雞專門店

营业中

休息中

多次帮衬鸡仔了，之前都系买外卖多，今次就试吓堂食先。招牌海南鸡饭的一人餐海南鸡色泽鲜黄，冇骨啖啖肉，鸡肉算嫰滑，鸡皮爽口，以咁嘅价钱，鸡嘅份量算系多。油饭个人觉得太干身和硬，随碟配上三个酱汁（包括黑酱油、泰式辣汁同姜蓉），个人觉得黑酱油+泰式辣汁一齐系最好食。油菜味道正常发挥，一人份量尚算足，菜心都淋。送嘅椰子汤最有惊喜，初时以为例汤都系无咩味，点知饮落有椰香，又唔错喔！个日发生小插曲，叫咗杯冻阿华田，嚟到饮咗一啖，淡到似饮水咁，立即同咗侍应姐姐反映，佢都即刻帮我换个杯，点知第二杯都系差唔多，奉劝各位如果叫嘢饮，唔好叫冻华田喇。以咁嘅价钱，咁嘅份量，质数算系合格，应该会再嚟。