釜之魂釜飯專門店 (淘大商場) (已結業)

呢间新开冇耐，每次经过都好多人，今次终于决心是一次！夜晚7:15左右到，排咗大概15分钟，其实里面都算多位，所以叫号码都叫得几快。门口个Menu唔系全部，坐低之后𠮶本Menu有多啲小食。话明系鳗鱼釜饭专门店，就梗系要是最厚嘅鳗鱼啦，之后见到汁烧牛肉釜饭都好似几吸引，小食又有甜番薯，甜品又有蕨饼，所以就叫咗好多嘢，食到好饱。Dinner的时段，釜饭+$18可以做套餐有汤、嘢饮和前菜，釜饭亦可以+$18变茶渍饭，不过如果你对日本嘅传统茶渍饭有要求，咁我个人就不建议加钱试，因为呢个好麻麻，同埋其实个釜饭嘅饭好好味，** 软熟得黎好烟靱 **，变左茶渍饭有啲嘥...如果再去，我会两个人叫一个饭，因为饭嘅份量实在太多，叫一个饭之后，其实可以叫多几款小食。超厚鳗鱼真系唔错，价钱都唔算贵，$118@。 牛肉其实呢个价钱都OK㗎，$58@。蕨饼就一般，口感略觉得未得。（其实卖日本饭圈外卖𠮶间「乜乜结」个蕨饼其实好OK，价钱廿令蚊，味道口感good，有兴趣可考虑吓。）Overall，都OK嘅～ 服务都正常。食左1个钟左右到8点半，外面仲继续有人排队。