肉餅哥小炒料理 (已結業)

今日入大围揾个朋友，佢话附近刚刚开左间肉饼哥，建议去试下。之前都有声过呢间肉饼哥，听讲荃湾店做得唔错，一于就亲呢个机会试下。同朋友一个点左金沙蛋黄肉饼，一个点左黑椒鸡肾肉饼，两个人share。其实仲有好多只花款，有啲好似好立克肉饼，咖啡炼奶肉饼，不过好似一开始食呢几款就比较大胆， 试咗啲睇落容易接受嘅口味先。点咗大约15分钟就上枱，速度都ok，金沙蛋黄肉饼系一层炒香咗嘅蛋黄，好甘香配合肉饼个人认为系非常唔错嘅配搭。黑椒鸡肾肉饼黑椒味浓郁， 鸡肾令肉饼咬口更弹， 如果再大粒啲就更完美嘞。肉饼份量都好足够，两个人平均一人七十几蚊有埋嘢饮好满足，下次可以嚟试下唔同嘅口味。