坐忘

营业中

休息中

午市去开天后就食依间猪软骨饭，以前喺天后返工嘅时候成日食，印象中系大份夹抵食，仲要啲猪软骨整得好入味。今次去到我叫左猪软骨同牛肋条两份。唔上到嚟嘅时候觉得猪软骨份量好少比以前少咗好多，不过味道依然系好好食。啲软骨煮到好张住过嘴，啖啖骨胶原嘅感觉。佢煮得好林好入味，轻轻用筷子夹一夹就可以分开成旧猪软骨。好少舖头可以做到咁样。而酱汁方面，咸度适中好啱送饭。不过，如果可以多番几旧猪软骨就更加好啦！但可能而家食材贵咗所以份量少咗都理解嘅。但相反黑椒牛肋条真系有啲失望啦。啲牛肋条炆得唔系好林，本身以为同猪软骨差唔多，都系一夹就可以分开𠮶啲，呢个牛肋条就要咬好多下，而且啲牛有臊味，黑椒嘅味道唔系好出，不过佢就份量比猪软骨多，有好多旧牛，但系如果要再拣嘅话，拣返猪软骨会好味好多。如果未食过依间，真系一定要试吓佢嘅猪软骨，好好食！