冬蔭NOODLE (已結業)

好多人推荐去九龙城食泰菜，但钟意食泰菜嘅人绝对唔会限制揾好嘢食嘅范围，朋友知道尖沙咀呢间泰国餐馆几受欢迎，所以提议来呢度饭聚！有别于传统泰式装饰，这里走潮流路线，霓虹光管的确igeable😎餐厅感觉光猛阔落，环境不错。难得四个人一齐食饭，梗系慢慢食慢慢倾，先叫咗一个泰式海鲜沙律作为前菜。这个沙律是我食过的数一数二最好食，特别在于酱汁味道调校得恰到好处，酸甜平衡适中，仲真系有啲辣👍🏽青木瓜丝好爽脆，仲有好多唔同款式嘅海鲜粒，唔系得个名😊泰式沙甸鱼都系第一次食，我唔会形容为好特别，但真系几惹味，酸酸辣辣，份量有一大罐沙甸鱼，酱汁亦吸收了斑斓叶的香味。要特别赞赏下这个菠萝炒饭，饭粒干爽不油腻，而且加入了很多香料，食到有咖喱粉，仲可能有姜黄，里面有好多杂菜粒，海鲜粒，上面铺满了肉松和腰果粒，材料十分丰富，推荐大家试吓。唔好睇小四个女生嘅食量，食咗咁多嘢之后再叫咗一个泰式小食拼盘，四款食物各有四件，方便大家一齐分享！个人觉得春卷和炸虾饼做得特别出色，春卷外皮又薄又脆，里面材料好丰富，好有口感，点泰式辣酱更加好食。炸鱼饼一啲都唔油腻，里面嘅鱼肉好有口感，仲有好浓烈嘅咖喱味，仲有香茅粒，食落好香口。