Pizza Maru (荃新天地)

营业中

休息中

今日老细又请食饭 大家都话想食pizza 于是就嚟到荃新天地嘅呢间韩式pizza店 pizza maru韩风蟹肉塔 蟹肉用咗沙律酱去调味酸酸甜甜得嚟仲有蟹肉嘅鲜甜味 入面加咗椰菜丝同牛油果令成个蟹肉塔味道更加丰富蜂蜜牛油炸鸡 炸鸡个皮脆卜卜 上面有蜂蜜牛油粉 令嚿鸡嘅炸皮都唔会冧咗 牛油味香浓重甜甜地一啲都唔油腻 入面嘅鸡肉嫩滑多汁主角pizza就叫咗肉食五行 饼底用咗黑麦面团去做 有小麦嘅香气又特别烟韧 上面有几种唔同嘅配料包括 牛小排 法兰克福肠 韩式烤肉 粟米 烟熏鸡肉 极之丰富到完全见唔到饼底 啖啖都系馅料嘅感觉 个人最喜欢韩式烤肉 酱汁够特别牛肉味香浓食物都偏向重口味 梗系要饮返杯蜂蜜柚子梳打 甜度适中十分解渴