御前上茶 (已結業)

第一次忍唔住要写食评同大家分享，呢间铺甜品淡而无味，招牌既绿茶甜品，唔好话甜味系连基本既茶味都无，都唔知系咪斋染色，仲要价钱唔平，另一重点系几个侍应既服务态度恶劣，特别系个女人，明明有好几张枱无人坐，偏要安排搭枱，原因系一阵会有货到，但我食左全程都唔见有人嚟送货，食完我叫我小朋友去埋单，个女人讲左句等阵就走左，返嚟既时候竟然极无礼貌咁喺我小朋友手上抢左张单同钱，我睇到即刻话佢点解要抢，佢仲要讲大话系问小朋友拎，我一直企隔壁，佢根本一句野都无讲过，到底佢地系咪做到滑晒牙？连招牌食物都咁难食，我无信心佢其他野会好食得去边，所以无下次👋🏻