點點甜 (已結業)

唔知你哋同另一半嘅口味夹唔夹嘅呢？其实同A姐一齐咗咁耐，我好想讲佢真系好易养，因为我哋有好相似嘅口味，我哋都好钟意打边炉同食车仔面，而我哋都唔好甜品架，梗系啦，望住对方都够晒甜啦！不过，今日例外啲，因为我哋喺旺角食完一间好多味精嘅餐厅之后，真系口喝到晕，结果食甜品就成为了我哋今晚嘅特备节目。之但系，太甜我哋又好惊，所以见到呢间铺头真系啱晒我哋心水，佢叫点点甜，姐系唔会好甜啦。香芒明珠食甜品又点少得芒果呢？而且叫芒果真系好保险架，你睇吓周街有几多主打芒果嘅甜品舖就知啦！劲口喝嘅我哋，见到呢个芒果汁底，已经急不及待饮几啖喇，好浓香嘅芒果味，又够冻，仲有好多芒果粒，真系好fresh又解喝呀！不过，讲真，呢个甜品嘅制作难道唔高，好彩用料都无偷工减料，除咗芒果汁，仲有芒果布甸、椰果、白丸子同雪糕，好足料呀！宇治森林一个选择相对较甜嘅芒果，另一个就选择相对较苦嘅抹茶啦！抹茶雪糕够滑，茶味又浓又回甘，加埋少甜嘅红豆蓉，成件事中知晒！仲有好软滑又爽嘅抹茶啫喱、烟韧嘅白玉、脆口嘅粟米片同最惊喜嘅豆腐花，估唔到豆腐花会到呢杯抹茶咁match架！