薄餅怪獸

营业中

休息中

今日行开启德airside，所以就行咗去新蒲岗揾食，比我寻到宝！😍手制心形pizza超特别好靓，每日限量供应，好好彩食得到🥰我哋嗌咗怪兽多宝同埋吞拿鱼特式，酱底分别系茄酱同埋千岛酱。即叫即整，上𩠌都仲热辣辣脆卜卜！怪兽多宝馅有青椒、辣肉肠、火腿、磨菇、菠萝、牛肉、猪肉。吞拿鱼特色有粟米、菠萝、吞拿鱼、烟肉。师傅焗得啱啱好，个皮好好好脆，但又唔会㶶咗一忽忽，虽然佢系心形，但系脆嘅程度系每边都一样，皮上嘅馅料都好香，细批啱啱好，仲可以加小食。小食嗌咗柠檬烤鸡、麻辣烤鸡、BBQ鸡翼。柠檬炸鸡好开胃，啖啖肉，甜甜酸酸。麻辣炸鸡就落咗辣椒油，辣椒油好香，同埋坚系辣，反而增添咗鸡味，咬开啲肉汁仲保留咗。最后BBQ鸡翼啲汁超正，好夹，下次会试埋芝士同甜酸！仲有一个焗烟肉薯蓉！面𠮶浸芝士已经好香好正，薯蓉焗得好脆，下面𠮶层仲系白沙配烟肉，份量又好多。特别要讲下饮品。嗌咗个好特别嘅蜂蜜薄荷茶。真系落咗几块薄荷叶，一饮落口浸薄荷味好香好natural，食完饮埋呢杯薄荷茶，划上完美句号。