三點三冰室

营业中

休息中

启德 Airside 开咗一段时间，一直都听讲好多人所以冇去行；近期终于揾到时间去行下，见到有间新派茶记，叫三点三冰室咁过瘾，就同朋友入去试下啦。我哋六点钟入座，一路食一路多人，走𠮶时仲满晒客添！我哋晚餐叫咗佢热烈推介嘅西冷牛扒铁板餐 & 焗牛脷芝士意粉，仲加咗两个小食，分别系瑞士鸡翼同埋因为有啲挂住台湾所以叫咗盐酥花枝丸。首先嚟咗铁板餐跟餐嘅日式粟米汤，估唔到佢又真系名符其实 好日式㖞！同喺日本西餐厅叫嘅粟米汤好似，坚日本 feel 😂 跟住就嚟小食瑞士鸡翼，虽然系小食，但系有五大只，仲要只只都十分饱满唔系瘦嘅鸡中翼；味道方面炆得好够时间，瑞士汁超入味！接住落嚟就送上佢哋嘅招牌西冷牛扒铁板餐畀我哋，发现佢哋好符合商品说明条例，因为块西冷牛扒好！大！块！ 我哋叫七成熟，不过都唔会好韧仲几有肉味添！另外一道主食系焗牛脷芝士意粉，佢哋都冇吝啬畀咗好多块牛脷；而牛脷系用咸牛脷，同平时食开焗饭或者意粉嘅牛脷有啲唔同，有啲特色！去到最后终于上埋盐酥花枝丸，花枝丸扎实，足料唔会好粉，咸咸地几好食嘅。另外我哋加钱叫咗两杯特饮，分别系菠萝冰同埋美禄暴龙 with 忌廉；菠萝冰好够菠萝味，酸酸 may