囍雲軒 (雙子匯1期)

营业中

休息中

启德SOGO 新开业，已经冇左最吸引嘅 supermarket ，唯有试试入面开嘅酒楼/ 餐厅同铜锣湾比较下。“囍云天” 喺15/F， 暂时必须要喺G/F搭升降机 🛗先上到去。酒楼朝早10点已经营业，到访当日系星期日10：30，第一轮茶客已经就座。由于茶客众多，个个都扑去知客姐姐度，其实㩒飞仔等位就得咖喇。喺等嘅时候，见到有客人当日订左6围酒席摆百日宴 baby👶🏻🍼，大厅楼底够高，落地玻璃亦显得开扬光猛，黎紧我相信一定系区内嘅红火酒楼；其他茶客被安排喺另外嘅VIP 房饮茶，环境都非常唔错。讲番野食，4个人叫左9个点心，大概$110-120/ 人，轮环境、装修、点心质素、服务直头系抵 （香港好嘅酒楼实在所剩无几），长老们亦表示满意。