米走雞Deluxe (已搬遷) 新店位置

环境4分：鸡锅店好多卡位，唔会坐得过迫，Ｄ櫈厚得都几好坐，可以畀四分。卫生4分：地方都叫整齐，独立电炉最安全，有齐干湿纸巾都几卫生，四分。服务5分：楼面伙计熟手又爽手，态度好又会教路点食芝士鸡煲，仲不时会添加纸巾，畀硬满分。味道5分：1)      个黄金芝士鸡煲呢可以自选芝士碎份量，多少同价就梗系要激量。睇住Ｄ芝士滚到溶晒就食得。入面Ｄ洋葱又爽又多汁，Ｄ鸡件有白肉同黑肉，Ｄ肉大大旧都好滑好嫩，有两款芝士互相配合，食起上嚟同啲鸡好夹，真系浓郁而不腻！2)      食完Ｄ鸡加汤就变做打边炉，个芝士汤底真系几得。3)      打边炉Ｄ生菜同油麦菜又爽又脆。4)      慢慢食个芝士鸡煲结果队左八支青岛。抵食5分：一个细芝士鸡煲可以食到三四个人，二百蚊唔使已经够饱肚，打边炉嚟讲呢廿几蚊支大啤唔算贵，抵食可以畀五分。