淼屋 (已結業)

中上环呢间日式居酒屋都几有特色，好适合收工约朋友饮酒食饭吹水，1800至2000时段仲有啤酒买一送一，好抵。想饮特别啲嘅仲有好多手工啤选择，不过就冇买一送一啦。火焰雪山甲罗烧，$168见好多人去都会点呢个甲罗烧，去到当然要试吓，职员攞到枱面会点火，好啱打卡，不过要快🤣上面嘅蛋白有少少酒精味，下面系满满嘅蟹肉，捞埋几块饼干食都唔错。矶烧味醂鱼干，$88钟意食鸡泡鱼干嘅我，每次饮酒都会点一份送酒，好味😋酥碎炸白虾，$98原来白虾系细细只嘅，好得意，炸到脆脆哋，成只摆落口，送酒一流。清酒煮蚬，$98清酒味好重，蚬只只都饱满，煮得好入味，最正系下面有火一直热住，唔错。日式炸豆腐，$48呢个炸豆腐好好味，外层香脆内层嫩滑，下面加咗芝麻酱，好夹。餐厅有两层，仲有室外嘅位，收工去饮吓酒，食吓野，都几舒服。