影片
更多
2024-12-10
716 浏览
《烧烤堂 - 尖沙咀》放工好想食串烧，拉埋旧同事一齐去尖沙咀聚吓旧顺便饮番杯，烧烤堂嘅啤酒$48杯仲有买一送一，基本上每一枱都会叫返两杯啤啤佢💪🏻呢度嘅串烧种类好多，价钱都好合理，最平十零蚊已经有一串，另外仲有好多特色嘅菜式，例如烧鹅肝、烧海鲜等都系人气推介嘅食品，当晚我哋两个人边饮酒边食越食越多嘢🤣但系埋单每人都系三百零蚊左右，认真抵食💁🏻♀️盐烧三黄鸡腿肉鸡腿肉烤得外焦内嫩，盐味恰到好处，感觉三黄鸡嘅肉质比普通鸡更鲜嫩多汁，同埋肉味更加浓郁💁🏻♀️盐烧鸡皮鸡皮烤得香脆可口，一片过成块面咁大，表面微微焦黄，基本上好似薯片一样咁脆口，盐既调味让令一口都充满了香气，特别适合搭配啤酒💁🏻♀️盐烧鸡软骨鸡软骨食落爽脆，盐烧手法保留了肉既鲜味💁🏻♀️麻辣鸡软骨麻辣鸡软骨口感弹牙，麻辣酱既香味带有微微既辛辣💁🏻♀️古早味烧鲜三黄鸡全翼店员特别推介，鸡本身肉质鲜美，经过烤制后既香气四溢，表皮微脆同埋好香鸡油味，肉质却依然软嫩，我觉得比鸡腿肉更加好食💁🏻♀️手切牛胸爽我一向都好钟意食呢一个部位，食落爽脆有油香，睇落白雪雪以为系肥膏，其实系筋膜嘅部份，越咬越香牛油味，但系你唔会觉得好油腻💁🏻♀️薄切牛
放工好想食串烧，拉埋旧同事一齐去尖沙咀聚吓旧顺便饮番杯，烧烤堂嘅啤酒$48杯仲有买一送一，基本上每一枱都会叫返两杯啤啤佢💪🏻呢度嘅串烧种类好多，价钱都好合理，最平十零蚊已经有一串，另外仲有好多特色嘅菜式，例如烧鹅肝、烧海鲜等都系人气推介嘅食品，当晚我哋两个人边饮酒边食越食越多嘢🤣但系埋单每人都系三百零蚊左右，认真抵食
💁🏻♀️盐烧三黄鸡腿肉
鸡腿肉烤得外焦内嫩，盐味恰到好处，感觉三黄鸡嘅肉质比普通鸡更鲜嫩多汁，同埋肉味更加浓郁
💁🏻♀️盐烧鸡皮
鸡皮烤得香脆可口，一片过成块面咁大，表面微微焦黄，基本上好似薯片一样咁脆口，盐既调味让令一口都充满了香气，特别适合搭配啤酒
💁🏻♀️盐烧鸡软骨
鸡软骨食落爽脆，盐烧手法保留了肉既鲜味
💁🏻♀️麻辣鸡软骨
麻辣鸡软骨口感弹牙，麻辣酱既香味带有微微既辛辣
💁🏻♀️古早味烧鲜三黄鸡全翼
店员特别推介，鸡本身肉质鲜美，经过烤制后既香气四溢，表皮微脆同埋好香鸡油味，肉质却依然软嫩，我觉得比鸡腿肉更加好食
💁🏻♀️手切牛胸爽
我一向都好钟意食呢一个部位，食落爽脆有油香，睇落白雪雪以为系肥膏，其实系筋膜嘅部份，越咬越香牛油味，但系你唔会觉得好油腻
💁🏻♀️薄切牛舌芯
牛舌切得薄但系仲保留到佢弹牙嘅感觉，口感滑顺，调味配搭令到味道浓郁，个人觉得可以落多少少椒盐配埋葱一齐食
💁🏻♀️牛骨髓
出面比较少食到烧牛骨髓，口感同质地滑腻，用咗香葱蒜蓉条配一齐烧，食落浓味同埋软腍腍
💁🏻♀️羊架
我唔太食羊的，朋友话个羊架烧到六成熟左右，个样嘅味道唔会太劲，都仲系鲜嫩多汁，而且几大块
💁🏻♀️泡菜五花腩
用咗韩式嘅方法炮制，但系有泡菜嘅酸甜味，可以去除五花肉本身嘅肥腻感
💁🏻♀️泰式猪颈肉
经典嘅烧烤菜式，佢个泰式烧烤酱其实都几惹味，猪颈肉烧到外边脆卜卜好香口，罪恶感满满的
💁🏻♀️烧豚肉荔枝卷
自从试过一次豚肉荔枝卷之后就几钟意𠮶种又咸又甜嘅感觉，外面嘅薄切豚肉包住荔枝肉，咸香味十足但系又食到荔枝嘅甜香👍🏻
💁🏻♀️蒜蓉烧蚝
又系经典嘅烧烤菜式，今次呢两只蚝都几大只同埋几鲜味，食完成口都系蒜蓉嘅味道，但系咁样先至系食蚝最配搭嘅方法
💁🏻♀️蒜香牛油酒煮蚬
冇谂到佢个牛油煮蚬咁大碗，仲配埋两件好好食嘅蒜蓉包，用嚟点个汤汁一流，瞬间啲煮蚬变咗配角添😂但系个蚬都几大粒同埋冇沙，同牛油清酒嘅味道好夹
💁🏻♀️焦糖青苹果鹅肝多士
我觉得当晚嘅MVP一定要讲呢一个焦糖青苹果鹅肝多士，本身鹅肝同苹果嘅味道好合拍，软腍腍嘅鹅肝超级爆油，配上焦糖同埋青苹果食落就唔会咁油腻，个多士吸晒鹅肝啲油粉，一滴鹅油都唔会浪费
💁🏻♀️尖椒皮蛋烧豆皮
好特别嘅菜式，个豆皮烟烟韧韧几有咬口，包住尖椒皮蛋就有啲似食川菜咁嘅感觉
💁🏻♀️盐烧翠玉瓜
平时我唔太食翠玉瓜，但系烧烤嘅话就每次都会叫，烧完之后个翠玉瓜有啲似食紧带子咁有一阵香气，成为咗当晚唯一嘅蔬菜菜式🤣
💁🏻♀️蜜糖菠萝&黑糖菠萝
两款菠萝都叫咗各一串，其实两个都好好食，出边嘅蜜糖同黑糖经过火烧之后形成咗脆皮，包住香甜嘅菠萝真系好惹味👍🏻必点
张贴
