影片
更多
2011-07-29
今日17:00比公司会计部既阿头 “的” 左我陪佢落中环交D急件比间会计firm….E…真系唔系咁想去啰….又挂紧1号波兼冇得准时收工返家㖞…T_T…但见会计部阿头平时咁好人，又见under佢既会计文员同事请左假，似乎都冇得say no啰………18:45去到间firm交完野啦，但原来已经挂紧3号波啦…..归家似箭呀！但阿头话既然出到来，食埋dinner先返归啦，唔通游车河嘛！佢话上个weekend都想去附近间拉面店试下架啦，最多由佢请客啦！佢一轮嘴咁讲又一边带紧我去间野既路线，似乎我又系冇得say no啦…….15mins左右去到。喔~原来叫秀拉面！地方摆设都几有日本式既味道，尚算清洁！可能时间尚早，面店唔太多人㖞！阿头似乎好肚饿，已急不及待划紧纸仔叫咩食好。Hey！都几细心，可以比客人自选配料，连面既硬度都有得拣架！但食物种类唔多啰~拉面主要3款，捞面2款，小食都好似得两三款，真系唔算多啰！最后，阿头叫左赤秀捞面加左$5要半只半熟蛋；我就叫左白秀拉面，冇再加配料；拉面硬度我地2人都拣左中，之后加多左碟煎饺子(+$10要明太子沙律酱)。等左10mins左右(都唔算耐)，阿头个赤秀捞面来
18:45去到间firm交完野啦，但原来已经挂紧3号波啦…..归家似箭呀！但阿头话既然出到来，食埋dinner先返归啦，唔通游车河嘛！佢话上个weekend都想去附近间拉面店试下架啦，最多由佢请客啦！佢一轮嘴咁讲又一边带紧我去间野既路线，似乎我又系冇得say no啦…….
15mins左右去到。喔~原来叫秀拉面！地方摆设都几有日本式既味道，尚算清洁！可能时间尚早，面店唔太多人㖞！阿头似乎好肚饿，已急不及待划紧纸仔叫咩食好。Hey！都几细心，可以比客人自选配料，连面既硬度都有得拣架！但食物种类唔多啰~拉面主要3款，捞面2款，小食都好似得两三款，真系唔算多啰！
最后，阿头叫左赤秀捞面加左$5要半只半熟蛋；我就叫左白秀拉面，冇再加配料；拉面硬度我地2人都拣左中，之后加多左碟煎饺子(+$10要明太子沙律酱)。
等左10mins左右(都唔算耐)，阿头个赤秀捞面来左啦！wow~用来捞面既汤面上有层辣椒油啰，吃唔到辣既我见到都觉辣呀！但阿头话个汤都几浓味，加上辣椒油既刺激，都几惹味，又唔会辣到入唔到口㖞！但佢就嫌只蛋唔系好溏心feel㖞…..
而我既白秀拉面都来左啦，卖相都几丰富，有几片义烧、葱、木耳、紫菜….而白秀即猪骨汤底！汤底都比较偏浓，但食落唔太味精感重，都算系咁啦!义烧系有得拣腩肉定猪肩肉，我拣左猪肩肉！所以唔太肥腻，都几爽ge！
而我同阿头都觉得面条既中硬度都略为硬左d(>>唔通系人地所讲既弹牙？)，下次有机会再食时，硬度要拣软试试先！
好啦！呢个时候，明太子沙律酱既煎饺子都来埋啦！煎得几均匀喔，热呼呼当然要趁热食呀！皮烟韧得来脆脆地，略嫌入面既馅干左d，好彩有配下沙律酱，黏埋又几惹味，唔错！
食饱饱又系埋单时候，阿头请客，around $220几。不过间野真系几贵，平均要$75-$90一碗面，但中环呢d地区来讲又好似要系咁上下呢！哈哈~都要多谢阿头，冇佢都唔知几时先帮衬下呢间拉面店，但佢又令到我迟左归家，真系对佢又爱又恨！呵呵….
张贴