影片
更多
2017-07-16
575 浏览
今日 daddy 带咗我哋一家人嚟食呢一间潮福蒸气石锅，蒸海鲜都兴咗好几年，印像中呢间系我第四次嘅蒸气石锅，睇吓有乜好嘢食先。餐厅嘅格局同酒楼差唔多，有啲位置会比较靠近冷气出风口，怕冻又或者怕热嘅朋友可以研究下自己个定位应该喺边度，基本上每一枱都有啲位比较热时又有啲位系比较冻嘅。我哋拣选咗任食套餐，只系338蚊一位，已经有右手边嘅丸类四款，菜类六款，两款鸡两款牛一款猪，酿花菇豆卜 葱花卷，马拉糕荷叶饭等等任食，而配给嘅部分就有每人一盅炖汤，半只龙虾，半只乳鸽，北韩鲜鲍鱼，美国桶蚝，苏格兰蛏子皇，生㓥龙趸件同埋青口各一只，仲有好几只花甲同埋鲜蚬添，真系食呢个配给嘅份量都几乎饱哂咁滞。撇除以上海量嘅各式新鲜生猛海鲜之外，最啜核嘅系呢度连朝日啤酒都系任饮架，需知道呢只牌子嘅啤酒喺出面超级市场都卖好贵加嘛，真系净系饮啤酒都回到一半本啊。滋润炖汤每位一款，拣咗姬松茸炖螺肉，哗，真系劲足料啊。必食粥底二选一，瑶柱鲜淮山粥。脆皮乳鸽每位半只，乳鸽嘅外皮被炸得极度香脆，味道完全入哂啲鸽肉里面，用嚟送啤酒一流。生猛龙虾每位半只，呢度嘅龙虾新鲜弹牙，肉味鲜甜，完全唔需要点半滴多余嘅豉油，净系食龙虾嘅鲜味经
今日 daddy 带咗我哋一家人嚟食呢一间潮福蒸气石锅，蒸海鲜都兴咗好几年，印像中呢间系我第四次嘅蒸气石锅，睇吓有乜好嘢食先。
餐厅嘅格局同酒楼差唔多，有啲位置会比较靠近冷气出风口，怕冻又或者怕热嘅朋友可以研究下自己个定位应该喺边度，基本上每一枱都有啲位比较热时又有啲位系比较冻嘅。
我哋拣选咗任食套餐，只系338蚊一位，已经有右手边嘅丸类四款，菜类六款，两款鸡两款牛一款猪，酿花菇豆卜 葱花卷，马拉糕荷叶饭等等任食，而配给嘅部分就有每人一盅炖汤，半只龙虾，半只乳鸽，北韩鲜鲍鱼，美国桶蚝，苏格兰蛏子皇，生㓥龙趸件同埋青口各一只，仲有好几只花甲同埋鲜蚬添，真系食呢个配给嘅份量都几乎饱哂咁滞。
撇除以上海量嘅各式新鲜生猛海鲜之外，最啜核嘅系呢度连朝日啤酒都系任饮架，需知道呢只牌子嘅啤酒喺出面超级市场都卖好贵加嘛，真系净系饮啤酒都回到一半本啊。
滋润炖汤每位一款，拣咗姬松茸炖螺肉，哗，真系劲足料啊。
必食粥底二选一，瑶柱鲜淮山粥。
脆皮乳鸽每位半只，乳鸽嘅外皮被炸得极度香脆，味道完全入哂啲鸽肉里面，用嚟送啤酒一流。
生猛龙虾每位半只，呢度嘅龙虾新鲜弹牙，肉味鲜甜，完全唔需要点半滴多余嘅豉油，净系食龙虾嘅鲜味经已系大满足。
北韩鲜鲍鱼，餐厅选料上乘唔在讲，特别钟意佢面头加嘅虫草花，滋补嘅虫草花功效多多，例如补肝肾补血气，仲可以治疗阳痿以及有壮阳嘅功效添，我即刻夹哂面头啲虫草花俾我老公，等佢食完啪啪声。
生㓥龙趸件，侍应先生将龙趸嘅火喉掌握得啱啱好，啲龙趸肉啱啱好熟，唔会太韧之余又充满鲜味，海鱼𠮶啲骨胶原真系唔讲得笑，搅到我抢埋我老公𠮶块骨胶原嚟食。
自制鲜牛丸，餐厅有好几款自家制嘅手打丸类，分别有梅菜猪肉丸，鲜虾丸，鲜牛丸同埋鲮鱼球，由于系自家制嘅关系，啲丸份外弹牙，尤其是系呢只自制鲜牛丸，弹牙得呢仲有好强嘅牛味，唔错。
食到尾声先发现仲有个荷叶饭未试㖞，谂住叫埋𠮶阵屋企人猛咁话咁饱仲食唔食得落架，咁就唯有叫住一个大家share 先啰，点知嚟到发现个荷叶饭只系得一只手指咁长，认真诙谐，咁就算食到尾声都仲可以食得落啦，我哋仲即刻追加多几个，一人一件添。
临走见到名嘴苏丝黄嘅一篇食评，我见佢话散嗌四个人都食咗2182蚊，今日我哋六个人任食先系2332蚊，任食完胜。
张贴
