平成二十二日本料理 (已結業)

几个月一次的家庭聚会，大大小小咁多人，有时真系谂唔到食咩。中菜西菜样样都试过晒，想满足晒咁多人的要求、口味真系唔系咁容易。好彩有日式放题的出现，今次㨂左喺TST的平成二十二。由剌身、寿司、天妇罗、饭面、烧物、沙律和小食一应俱全，仲有饮品，雪糕，同埋甜品无限量供应。我地一班人都好著重食物的质素，果然无令我地失望。大部分的食物水准都系高水平，特别要一提的系刺身同埋寿司，真系一个字‘鲜’，佢的特大甘海老真系要encore, encore再encore，另外象拔蚌，三文鱼都好新鲜。仲送左一板鲜甜的海胆。其他熟食都好有质素，份量亦都啱啱好，食得出餐厅真系有心去做好的食物。饮品的选择有好多，汽水之外，仲有啤酒sake。真系好满足的一餐呀。最后值得一提的系员工的服务态度，好helpful，每次上菜都好细心咁将枱面整理，服务周到。