辻利茶舗 (已結業)

听闻黎自日本嘅「辻利茶舖」开咗喺 IFC，身为抹茶控嘅我，唔驶讲肯定唔可以错过啦。开张唔耐，离远都可以见到人龙啦 >_< 好多款啊，心思思咁，唔知食边款好𠻹。俾咗钱之后，店员会俾个飞碟你，等个飞碟震就可以去攞㗎啦。由于舖位较细，净系得企位，所以要辛苦小小，企住黎食啦。 - Waffle Sundae Matcha（$78）见到系 IFC 限定，所以毫不犹豫拣咗哩款。雪糕拣咗抹茶味，雪糕唔会太甜同好软滑，抹茶味劲浓同有回甘，雪糕上面撒上脆米，增加雪糕嘅口感；原味蛋糕卷软绵绵得黎有蛋味；红豆蓉虽然偏甜，但系夹埋有啲苦涩嘅抹茶味雪糕一齐食，啱啱可以中和翻；白玉大大粒，好烟韧好有咬口；食到最底底，唔好以为冇料到啊，其实劲多抹茶啫喱打底，不过我就觉得个啫喱口感怪怪地就唔食啦。最后再食埋个waffle，劲脆咯，好味。