影片
更多
2021-11-28
26 浏览
又到Green Monday，今次带食肉兽试下食素。佢食素经验就系陪屋企人去中式斋铺食饭，原先佢一听到素就say no，最后系用牛奶冰先拉到佢黎食。点菜方面，都系拣返啲入门少少嘅比素食新手。预想到佢麻麻地椰菜花饭呢类，决定拣两个素食意粉同蜜瓜牛奶冰。🍝韩式泡菜素烟肉卡邦尼意粉 $118留意返，呢款系无得走五辛意粉系扁意粉，质地做得相当好，酱汁creamy带泡菜嘅酸辣。素烟肉食落无怪味，似火腿多啲。🍝牛肝菌impossible肉碎阔条面 $118上次黎食已经一试爱上，绝对会encore！味道依旧香浓，意粉质地一样出色，劲碟野都系劲rich，味道丰富，唔讲都唔知系素。呢两个意粉都获食肉兽认可，一洗素食坏印象，味道唔寡又有层次。跟住落黎嘅牛奶冰先系重点！当晚都见到唔少人专登坐底食甜品。🍴蜜瓜牛乳刨冰配炼奶 $108（唔食牛奶都可以转豆奶配黑糖浆）样子打卡able，有姿势都有实际，蜜瓜香甜，牛奶冰非常细致，入口融化后满嘴都系牛奶味，系一款唔死甜嘅甜品，食完两个creamy sauce pasta都轻松KO。呢款真系must try item!!!提醒返，晚市原来相当full，唔想等位就记得bo
佢食素经验就系陪屋企人去中式斋铺食饭，原先佢一听到素就say no，最后系用牛奶冰先拉到佢黎食。
点菜方面，都系拣返啲入门少少嘅比素食新手。预想到佢麻麻地椰菜花饭呢类，决定拣两个素食意粉同蜜瓜牛奶冰。
🍝韩式泡菜素烟肉卡邦尼意粉 $118
留意返，呢款系无得走五辛意粉系扁意粉，质地做得相当好，酱汁creamy带泡菜嘅酸辣。素烟肉食落无怪味，似火腿多啲。
🍝牛肝菌impossible肉碎阔条面 $118
上次黎食已经一试爱上，绝对会encore！
味道依旧香浓，意粉质地一样出色，劲碟野都系劲rich，味道丰富，唔讲都唔知系素。
呢两个意粉都获食肉兽认可，一洗素食坏印象，味道唔寡又有层次。
跟住落黎嘅牛奶冰先系重点！当晚都见到唔少人专登坐底食甜品。
🍴蜜瓜牛乳刨冰配炼奶 $108
（唔食牛奶都可以转豆奶配黑糖浆）
样子打卡able，有姿势都有实际，蜜瓜香甜，牛奶冰非常细致，入口融化后满嘴都系牛奶味，系一款唔死甜嘅甜品，食完两个creamy sauce pasta都轻松KO。呢款真系must try item!!!
提醒返，晚市原来相当full，唔想等位就记得book。超推荐素食新手试下呢间，原来食素都可以咁正。
张贴
