細蓉記 (已結業)

嚟到太和叉电，真系谂唔到有咩好食，于是乎荡下荡下去到呢间细蓉记，佢系食云吞面、点心嘅，不过见到隔篱枱有人叫咗个下午茶，40几蚊云吞面，得𠮶三粒细细粒云吞，啲面又唔多精神，梗系唔叫啦。睇完个下午茶餐牌，都唔觉得有啲咩好食，冚嘭唥都40几蚊，有时都唔系钱嘅问题嘅，要睇吓啲嘢食，值定唔值啰！最后都系叫咗焗嘢，焗芝士肉酱意粉，谂住一定稳阵啦，点知都唔使5分钟就上咗嚟啦，有冇焗到㗎？一啖食落去，点解会有渣嘅？仲有啲筋嘅物质，于是乎睇真啲，原来系牛腩啲筋，咬唔烂𠮶部份，我妖呀！竟然用卖唔晒嘅牛腩剁碎做肉酱，再嚟啲意粉一食落去，冇咬口不特止即刻溶嘅，煮到过晒火喉，杯奶茶就更加唔使讲啦，剩系得奶味冇茶味，零分😅⚠️咁都唔执笠，因为开系屋村位，难为晒啲太和邨民了😵‍💫