影片
更多
2021-10-20
548 浏览
早上返工会经过呢间士多，帮衬佢买早餐已经两星期了。之前试过买肠粉餐 (2 条肠粉+烧卖)，姐姐用同一个兜装，食肠粉就冇嘢，但食烧卖食到我想反胃，始终接受唔到烧卖会捞埋啲甜酱麻酱一齐食。今早再帮衬，叫咗肠粉餐 (2 条肠粉+烧卖) 同两粒粉果，叫姐姐帮我分开肠粉同烧卖，肠粉一个兜，烧卖同粉果一个兜。姐姐拒绝，话肠粉餐系一个餐，一定要放埋一齐，唔可以分开摆。我头都大埋咁话「我有另外买粉果嘅，粉果都有一个兜㗎喇，你只系帮我将啲烧卖，摆去粉果𠮶边姐，我又冇另外要多你一个兜，点解唔可以呢？」姐姐就继续话，总之就唔得啦，我真系唔明呢份坚持。之后就话老板唔俾，咁做人人都要求分兜，佢哋会好麻烦，我真系谂唔明有咩咁麻烦。我已经另外再买粉果，无增加你嘅成本。如果有增加你嘅成本，好似啲餐厅咁，加一蚊要个兜咪得啰。算啦，我都费事坚持，最后冇买到肠粉餐，因为啲烧卖捞埋啲甜酱麻酱一齐食，真心食到反胃。最后我买咗 2 粒粉果 + 2 粒牛肉，因为 Menu 上系独立嘅食物，唔系一个餐，所以姐姐就终于肯同我分兜喇。我话牛肉要喼汁，姐姐已经一嘢落咗豉油，我心谂喼汁咁深色㗎咩？十秒后，「喼汁」呢句说话终于由姐姐只耳，传
今早再帮衬，叫咗肠粉餐 (2 条肠粉+烧卖) 同两粒粉果，叫姐姐帮我分开肠粉同烧卖，肠粉一个兜，烧卖同粉果一个兜。姐姐拒绝，话肠粉餐系一个餐，一定要放埋一齐，唔可以分开摆。我头都大埋咁话「我有另外买粉果嘅，粉果都有一个兜㗎喇，你只系帮我将啲烧卖，摆去粉果𠮶边姐，我又冇另外要多你一个兜，点解唔可以呢？」姐姐就继续话，总之就唔得啦，我真系唔明呢份坚持。之后就话老板唔俾，咁做人人都要求分兜，佢哋会好麻烦，我真系谂唔明有咩咁麻烦。我已经另外再买粉果，无增加你嘅成本。如果有增加你嘅成本，好似啲餐厅咁，加一蚊要个兜咪得啰。
算啦，我都费事坚持，最后冇买到肠粉餐，因为啲烧卖捞埋啲甜酱麻酱一齐食，真心食到反胃。
最后我买咗 2 粒粉果 + 2 粒牛肉，因为 Menu 上系独立嘅食物，唔系一个餐，所以姐姐就终于肯同我分兜喇。我话牛肉要喼汁，姐姐已经一嘢落咗豉油，我心谂喼汁咁深色㗎咩？十秒后，「喼汁」呢句说话终于由姐姐只耳，传到上个脑度，姐姐再补落喼汁，然后仲话我「你谂清楚未，早啲讲」，呢个早餐唔食到我反胃，但买到我反咗眼！
成个买早餐嘅过程5分钟，我已经见识到排我前面𠮶个人都买到忟咗。买 $16 嘢，比 $106 姐姐，姐姐找咗 2 次钱都系找 $80 比人，人哋最后顶唔顺，话找 $90，然后姐姐继续数钱，用另一个 $10 $20 嘅组合，再找 $80 比人。人哋反咗眼，叹晒气话，仲争 $10 呀！
然后排我后面𠮶个人，见到买早餐过程咁唔顺利，我同埋另一个人都反晒眼，吓走咗无买到 👋🏿
张贴