真心一隻雞

营业中

休息中

同老婆两个人去食晏。一人叫咗一个「半只鸡汤刀削面」。上菜时，睇个样好似好好。但系食落就知中伏。每一嚿鸡，无论系鸡背定鸡胸，包括鸡髀位，都好鬼死鞋。而且冇鸡味。严格上嚟讲，系冇乜味。个汤底完全冇特别，出品有如连锁式快餐店，无心机煮，得少少咸。其他配菜都唔见得出色。豆干正正常常。咸咸地冇乜特别味。碟腌猪肉一万个鞋。干过美珍香块猪肉干。唯一碟泡菜叫食得落肚。老婆婆问我系咪新鲜泡菜，我食咗好耐，都评论唔出佢系咪新鲜腌制。不过泡菜算系OK，应该唔系罐头货。