十六座車仔麵 (已結業)

好几年前有明星捧场既车仔面店，今日同老公行经既时候见到入面得小猫三四只，一于就入去帮衬下，振兴下经济。太耐冇食呢到既车仔面，原来依家都有菜底选择，岩晒减紧肥既我，佢有通菜同芽菜选，我就选咗芽菜再加3𩠌，叫咗食车仔面必食既萝卜，云耳同鲜牛肉 ; 萝卜超入味，好鲜甜，反邢牛肉一般，佢个名叫鲜牛肉但唔系好香牛味，同埋芽菜底比想像中小，以我街市买开𩠌既经验，呢到最多得$4既份量。另一碗叫咗佢地自家制既芫茜面配4𩠌，依家叫4𩠌仲会送汽水一罐，虽然送既汽水系mini size，但反正都想试下佢其他唔同𩠌就叫咗4𩠌了。 芫茜面配咗猪红、冬菇、鸡翼同咖哩鱿鱼。芫茜面好弹牙好有口感，但芫茜味唔太重，猪红、冬菇、咖哩鱿鱼都冇得顶，全部都好入味，冬菇够淋好香菇味，但反而鸡翼就冇咩味><总结，平时系车仔面店叫既𩠌呢到都绝对要叫黎试，自家制既面亦都值得一试