影片
更多
2017-04-08
1489 浏览
一谂起海鲜丼，就第一时间谂返起旧年暑假去札幌时，到访过二条市场，真喺好多海鲜丼店，又平又靓。最近去咗南九州一转，主要尝过宫崎山、宫崎地鸡……等等，就未有试当地嘅海鲜丼得唔得，所以，贪口爽，返到香港就一支公走去食餐海鲜丼。其实，食海鲜丼真喺无咩心水，而且，上网摷一摷，晌香港食日式丼饭嘅餐厅非常之多。咁啱出开尖沙咀商务印揾书，就拣咗晌附近嘅「Moshi Moshi」，即喺日本人接电话时所讲「喂喂」嘅意思。走进餐厅，餐厅嘅格局都有啲「骑呢」，近门口地面层有张4-6人枱，可谓自成一角，再升上一排梯级先喺主要用餐区。主用餐区地方细细，装修简约，采用和风温色木系，加上灯光十足，有份亲和感。然而，小弟一支公，就梗喺拣最入嘅吧位啦。可惜，眼前放有摆放鱼生嘅大雪柜挡住，未有机会睇到师傅切刺身、扼寿司嘅情况。虽然嚟食午餐，目标都喺午市套餐，但都影低主餐牌做个记录，亦可让大家有个参考。散点菜式分为丼饭（有成18款之多）、刺身、寿司、沙律、理料、烧物、扬物、手卷，都算样样齐备。而午市套餐共有14款，有玉子烧配饭、咖喱饭、拉面、海鲜丼……等等，定价$63-$238，正所谓丰俭由人。午餐仲包三小碟开胃前菜，饮品半
其实，食海鲜丼真喺无咩心水，而且，上网摷一摷，晌香港食日式丼饭嘅餐厅非常之多。咁啱出开尖沙咀商务印揾书，就拣咗晌附近嘅「Moshi Moshi」，即喺日本人接电话时所讲「喂喂」嘅意思。走进餐厅，餐厅嘅格局都有啲「骑呢」，近门口地面层有张4-6人枱，可谓自成一角，再升上一排梯级先喺主要用餐区。
主用餐区地方细细，装修简约，采用和风温色木系，加上灯光十足，有份亲和感。
然而，小弟一支公，就梗喺拣最入嘅吧位啦。可惜，眼前放有摆放鱼生嘅大雪柜挡住，未有机会睇到师傅切刺身、扼寿司嘅情况。
虽然嚟食午餐，目标都喺午市套餐，但都影低主餐牌做个记录，亦可让大家有个参考。散点菜式分为丼饭（有成18款之多）、刺身、寿司、沙律、理料、烧物、扬物、手卷，都算样样齐备。
而午市套餐共有14款，有玉子烧配饭、咖喱饭、拉面、海鲜丼……等等，定价$63-$238，正所谓丰俭由人。午餐仲包三小碟开胃前菜，饮品半价优惠，以及免加一服务费。
三小碟前菜其实，主餐牌都有此前菜，每份$16，依家午餐有得送，就再抵啲。前菜有螺肉、鲍片及中华沙律，啲螺肉烟韧咬口，鲍片软腍有鲍味，中华沙律清翠爽口，再饮啖茶，静候海鲜丼上场。
蟹霸丼 $166晌散点餐牌所见要$172一客，问过店员，午餐份量跟散点一样，所以，晚包前菜，又免加一，当然就到时间嚟食午餐就划算好多。小弟点咗个蟹霸丼，贪佢个名够霸气啰，哈哈。
个丼饭主要有3款食材：软壳蟹天妇罗、鲜拆蟹肉及蟹膏，将饭面铺得满满，再加埋半只糖心蛋及4片紫菜，甚有睇头。蟹膏唔喺人人都钟意，钟意嘅话就觉得佢甘香丰腴，用嚟捞饭好食；啲蟹肉丝虽然唔及成只蟹钳食咁豪气，但啲蟹肉都颇鲜甜；至于件软壳蟹天妇罗，薄软入口却烟韧酥香，食落一啲都唔觉油腻，内里亦有唔少蟹肉。糖心蛋亦做得有水准，口感岩啱啱好，蛋黄凝香软滑，而啲紫菜点用，咪自制寿司卷啰，不得不顺带一提，啲饭既有饭香，又黏糯软绵。
蟹霸丼
20 浏览
2 赞好
0 留言
日本南瓜薯饼 $32个海鲜丼果然有质素，既然食得开心，就再追加一道扬物。南瓜饼喺心水之选，入口外层松脆到咔嚓声，一啲都唔油，而且南瓜味浓，又加咗啲紫菜碎，食味不俗。
日本南瓜薯饼
$32
41 浏览
2 赞好
0 留言
整体嚟讲，啲海鲜丼认真唔错，难得有平又有贵，悉随尊便。环境亦几雅致，让人可以轻轻松松咁用餐，有时候，撇低老婆一支公吊儿郎「丼」嚟食个海鲜丼，都几好吖！
张贴
