心裡有素 (已結業)

心里有素 (油麻地)店名的心思显然易见。即将结业的素食自助餐，虽然4月25日就会结业但仍然想讲一讲佢嘅善心，每日都会将所有食唔完嘅饭菜装盒再去到有需要嘅地方派饭。食物有凉盘、小食、饭面、沙律🥗、汤、甜品……店舖细小，食物种类比较局限。但欣赏炸物做到粉浆好薄脆，炸秋葵同茄子都好有惊喜。豆腐好香豆味又滑，茶叶蛋好大只，蛋白好滑身，唔似鸡蛋，觉得应该系鸭蛋。睇得出店主对食物有要求，最所赏佢嘅15年陈皮茶，饮落甘苦但好顺喉，仲可以化痰，好健康！最后个榴梿雪糕更加系令人留下深刻印象，榴梿香浓，老板话系自己整果肉同奶比例高到4:1。