銘師傅潮州粉麵餐廳

营业中

休息中

又做孤独的美食家，收工有d野系元朗搞未够钟就揾d野食，今日就试下铭师父，得知铭师父都定期会搞d派饭活动，相当有善心，所以都系其中一个支持既原因。铭师父个铺面几特别，密封晒系店外系望唔到入面环境，好有神秘感，入到去发觉环境都几企理，主要都拍埋左右两边 中间有一行张枱，位与位之间唔算好迫。南乳猪手捞面平时去粉面店都系食牛腩河多，但唔知点解今日突然想食猪手捞面，饮品就要加10蚊偏贵所以无叫，首先面既份量有d惊人，都几多下，可能有平时汤面既1.5倍，面既质地好烟韧，碱水味无话好重，猪手有3件，炆得几腍唔会过火，但略慊南乳味唔多够，似卤水猪手多d，另有几条生菜跟下，跟餐个大地鱼汤都几清甜，饮完唔会好渴。枱上有调味料，其中一樽好似咸菜咁既唔知乜黎，试左少少都几咸下，唔太岩我口味。铭师父d食物质素唔差，有d餐就比其他粉面店略贵少少，有d全日特价餐就相对抵食d但多数系丸类，37蚊包菜或鱼皮或热饮，间中都可以去支持下。