影片
更多
2022-06-15
225 浏览
放工相约朋友喺中环食晚餐，我哋想食西餐🍽，所以挑选咗位于士丹利街嘅「Amici」。一到步，男店员有礼接待，用餐过程中佢亦好有耐性，逐一介绍菜式。餐厅设有晚市套餐以及单点菜式，四道菜晚餐定价每位$428，另外仲有龙虾餐同生蚝餐🦞，价钱就再贵啲。一般而言，我认为都会嗌至少一份套餐，然后再散嗌吧，因为套餐点都抵食啲同多嘢食啲。餐包为意大利软包，质感松软，属正常水平🍞。香煎牛仔柳配瑞士薯饼及黑松露泡沫，未食都已经闻到超香黑松露味🍄。佢唔系用现成嘅松露酱或者磨松露片，而系提炼牛肝菌汁打成泡沫，再加松露粉，所以香味份外浓郁。喺咁出色嘅调味下，牛仔肉都变咗配角。🥔瑞士薯饼亦好鬼正，薯仔切成片叠起，类似千层蛋糕，口感一层层，兼且好脆。青芒果虾他他，原本以为佢会淡味过牛仔肉，但并唔系，因为当中加咗蒜头调味。呢份小食带点东南亚风情，食落开胃。🦐虾他他选用阿根廷红虾，肉身较大之外，肉质亦都几弹牙，而且味道鲜甜。🥥以椰子水同青柠汁所混合而成嘅酱汁清新，并能衬托出虾嘅鲜味。俄罗斯罗宋汤，罗宋汤口味正宗🇷🇺，店员表示落咗红菜头一齐煲，所以偏红色，但由于煲到溶晒，所以就咁系饮唔出红菜头嘅味道。同时，汤品中亦加入咗酸
放工相约朋友喺中环食晚餐，我哋想食西餐🍽，所以挑选咗位于士丹利街嘅「Amici」。一到步，男店员有礼接待，用餐过程中佢亦好有耐性，逐一介绍菜式。
餐厅设有晚市套餐以及单点菜式，四道菜晚餐定价每位$428，另外仲有龙虾餐同生蚝餐🦞，价钱就再贵啲。一般而言，我认为都会嗌至少一份套餐，然后再散嗌吧，因为套餐点都抵食啲同多嘢食啲。
餐包为意大利软包，质感松软，属正常水平🍞。
香煎牛仔柳配瑞士薯饼及黑松露泡沫
9 浏览
0 赞好
0 留言
香煎牛仔柳配瑞士薯饼及黑松露泡沫，未食都已经闻到超香黑松露味🍄。佢唔系用现成嘅松露酱或者磨松露片，而系提炼牛肝菌汁打成泡沫，再加松露粉，所以香味份外浓郁。喺咁出色嘅调味下，牛仔肉都变咗配角。🥔瑞士薯饼亦好鬼正，薯仔切成片叠起，类似千层蛋糕，口感一层层，兼且好脆。
青芒果虾他他
8 浏览
0 赞好
0 留言
青芒果虾他他，原本以为佢会淡味过牛仔肉，但并唔系，因为当中加咗蒜头调味。呢份小食带点东南亚风情，食落开胃。🦐虾他他选用阿根廷红虾，肉身较大之外，肉质亦都几弹牙，而且味道鲜甜。🥥以椰子水同青柠汁所混合而成嘅酱汁清新，并能衬托出虾嘅鲜味。
俄罗斯罗宋汤
11 浏览
0 赞好
0 留言
烟肉牛柳卷配牛肝菌汁
12 浏览
0 赞好
0 留言
烟肉牛柳卷配牛肝菌汁，🥩牛柳并唔单调，唔系得嚿牛。牛柳以烟肉包住，以添咸香🥓。牛柳本身质素唔错，而且厨师控制火候得宜，肉身呈粉红色，肉质嫩滑，啱啱好五成熟。其实牛柳咁厚身，要处理得好一啲都唔容易。牛肝菌汁香浓，同牛柳好夹，但又唔会抢味。👨🏻🍳餐厅识得点样善用食材，店员话将牛肝菌同时用于前菜同主菜，不过出到嚟味道并唔重复，各具特色。
香烧羊扒拼羊T骨伴红枣泡沫，🍗一碟肉有齐羊架同羊T骨，后者比较少见。本身惊羊会膻，所以想嗌七成熟，但店员建议食五成，肉质会好啲、无咁嚡。羊扒出到嚟生熟度刚好，食落完全唔膻㖞。T骨嘅肉味比起羊架突出，但肉感就相对冇咁嫩。厨师特意搭配红枣蓉🍓，因为甜甜哋可僻膻味。伴菜有一件类似萝卜糕嘅物体，佢其实系将意大利饭焗干制成，非常有心思又好味。
焗苹果杏仁芝士挞配云呢拿雪糕，晚餐甜品得一款选择。🥧芝士挞新鲜焗制，酥皮层几脆，苹果蓉唔酸，暖笠笠嘅挞遇上冰凉雪糕，相映成趣，但对比咸食来讲就无咁惊艳。
饮品方面🥤，我哋要咗冻柠茶同冻咖啡，为晚餐画上句号。
餐厅楼层面积唔大，座位唔多，环境灯光偏暗🕯，气氛几好，能够让人放松。
总括嚟讲，Aimci系一间有水准嘅西餐厅，厨师用心烹调每一道菜式，令人留下深刻印象👍。佢定价唔平，不过物有所值，再配合埋同店员嘅互动，整个用餐体验良好！
张贴
