Rempah Noodles

营业中

休息中

我经常坐车都会经过湾仔，往往见到一条长龙，今日终于扚起心肝去试吓！中午12:15到达，见到有大约10人在排队，心知不妙！不过等咗大约15分钟，就有得食啦！餐厅内只有三款面食选择，我拣咗最多人食嘅喇沙汤面，一碗要$115，价钱都几贵！不过湾仔啲嘢贵啲，呢个价钱都可以接受！当然叫埋佢嘅咖央多士，唔够5分钟，碗喇沙就到咗！喇沙嘅汤底好浓郁，饮得出唔系好味精！汤底好自然！都几唔错！啲料都几多，有虾、有蛋、有鸡丝！份量都唔错！整体系好夹！唔怪之得咁多人帮衬！另外个多士都系啱啱即叫即整，佢嘅咖央都几多，食落去脆卜卜！真系好享受！只系杯嘢饮比较贵，如果平少少更加好！