喇沙大少 (已結業)

正当我犹豫紧食咩好既时候, 系水牌见到呢间喇沙大少, 餐厅名鲜明直接, 一睇到即刻有一碗喇沙出现系脑海入面令到我突然好想食lol 就系咁我就入左去。所以, 好自然地, 我地叫左一碗嗽沙, 再叫左海南鸡饭, 马拉盏通菜, 同埋芒果糯米饭。喇沙既汤好香好浓, 配料就正正常常, 只虾又真系几大只。面底系米粉同油面, 有两种可以一齐试都几好, 不过稍为淋左少少。海南鸡饭唔记得影相, 食落普普通通唔太特别。通菜既味道系几香口, 但D通菜老左D, 咬落去好似有渣咁, 有D失望。最后既甜品叫左我一向好钟意既芒果糯米饭, 芒果可能唔逄时所以酸酸地, 黑糯米系正常味道但白糯米食落怪怪地咁, 好似有D变左既感觉。而且两个糯米饭比想像中少, 睇图以为好大份。总括黎讲, 除左个喇沙都算唔错之外, 其他野都麻麻地。所以都唔会话令我好难忘好想再番去食。