星洲總廚 (大全街)

营业中

休息中

午餐时间好多打工仔排队食，排队等咗5分钟。入面座位似茶餐厅格局，少少迫。上菜速度都好快，方便啲打工仔快快食完。*秘方香茅鸡扒叻沙（特粗米粉）$68叻沙汤头偏稀，带香浓咖哩味、淡淡椰香，浓郁顺滑，微微辣，带啲椰奶甜味。配料简单：熟蛋、鱼蛋、豆卜，鱼蛋弹牙，豆卜索汤一流。其实应该叫掺掺，但我唔系好钟意掺掺，所以叫特粗米粉。米粉真系特别粗但都挂到啲汤，而且面质韧韧地，几特别。香茅鸡扒炸到外皮焦脆，鸡肉有少少嚡，但浓嘅香茅味搭救返，但都系略为油啲。招牌厚切8安士咖哩猪扒饭 $68厚切猪扒系星洲总厨必叫，所以我期望极高，食完系有少失望。猪扒连骨炸再厚切成块，皮虽然焦香又脆，但炸到油腍腍，而且肉质松散，熟晒但呈粉红色，似系用咗松肉粉。因为唔想食太辣，所以有一条辣椒嘅小印度咖哩，真系得BB辣，味道偏椰香甜。椰浆饭单食食到椰奶香，但加埋咖哩就食唔出椰子香。冻马拉三色奶茶 $12微妙…港式奶茶加椰糖，系几特别，但值唔值得加$12就见人见志。