喇沙專門店 (已結業)

又嚟到西九龙中心觅食。今次帮衬喇沙专门店，叫得专门店，喇沙应该系主打，一定要试，于是叫咗个大虾喇沙面。一碗喇沙，最重要嘅肯定系个汤底，以快餐店嚟讲，呢度嘅喇沙汤底算唔错，唔会好稀，椰香味亦算香浓，几好饮。配料方面，除咗虾之外，仲有鱼片，熟蛋，芽菜同豆卜，最好食嘅当然系豆卜，因为粒粒吸满汤底，一啪入口，再爆浆，其味无穷。其他配料就正常水准。