影片
更多
2010-04-23
5 浏览
1月21日, 喺旺角周围揾平野食, 突然记起我地成日话食, 但系都未食过嘅八面玲珑, 咁我地都冒住要等位嘅情况下上咗去, 原来都唔系咁多人食~ 睇个餐牌d相好似每样都好吸引, 但系我地要食平d所以叫咗一个意粉一个小食~::: 蘑菇烟肉意粉 ::: $55 + $3先黎一个餐汤, 要咗罗宋汤, 跟一片蒜蓉包~ 罗宋汤唔可以话唔好饮, 但系佢嘅蕃茄味过于浓烈, 味道亦偏咸… 简单d讲就系太味精. 蒜蓉包只有外围烘过, 不过都唔系脆, 仲有d韧添, 中间部份更加系方包咁, 完全唔见佢有咩烘过嘅迹象…蘑菇烟肉意粉有只蛋黄比你捞, 扮晒温泉蛋咁! 但个意粉完全唔知想点wor, 焗又唔似, 炒又唔似, 最重要系唔热! 搞到只蛋黄同意粉完全捞唔埋! 只鸡蛋搞到d意粉好水好淋pat pat, 味道又淡, 狂加芝士粉都唔掂啦!冻朱卖相就好, 加一堆忌廉喺上面, 味道虽然只系一般, 不过已经系成餐饭最好架喇!::: 芝士西兰花 ::: $25难食推介!! 完全揾笨! 心谂唔想食咁多, 叫个芝士西兰花有芝士漏漏地会饱肚, 又有d菜食… 黎到卖相好似垃圾咁! 一只碟只有6粒西兰花, 好心你要呃人都唔好用咁大只
::: 蘑菇烟肉意粉 ::: $55 + $3
先黎一个餐汤, 要咗罗宋汤, 跟一片蒜蓉包~ 罗宋汤唔可以话唔好饮, 但系佢嘅蕃茄味过于浓烈, 味道亦偏咸… 简单d讲就系太味精. 蒜蓉包只有外围烘过, 不过都唔系脆, 仲有d韧添, 中间部份更加系方包咁, 完全唔见佢有咩烘过嘅迹象…
蘑菇烟肉意粉有只蛋黄比你捞, 扮晒温泉蛋咁! 但个意粉完全唔知想点wor, 焗又唔似, 炒又唔似, 最重要系唔热! 搞到只蛋黄同意粉完全捞唔埋! 只鸡蛋搞到d意粉好水好淋pat pat, 味道又淡, 狂加芝士粉都唔掂啦!
冻朱卖相就好, 加一堆忌廉喺上面, 味道虽然只系一般, 不过已经系成餐饭最好架喇!
::: 芝士西兰花 ::: $25
难食推介!! 完全揾笨! 心谂唔想食咁多, 叫个芝士西兰花有芝士漏漏地会饱肚, 又有d菜食… 黎到卖相好似垃圾咁! 一只碟只有6粒西兰花, 好心你要呃人都唔好用咁大只碟啦! 芝士亦都唔多, 亦唔黐住西兰花… 西兰花味道更差, 好霉, 唔知系唔新鲜定煮得太耐, 颜色呈霉绿色一咬落去淋pat pat… 一来卖相差二来味道更差……难食爆灯!
本来睇d食评对佢都有d期望, 点知唔好话失望, 感觉直头俾人揾笨! 可能真系叫错芝士西兰花啦, 见到其他人都好似食得ok咁~ 食完今次真系完完全全冇下次!
张贴
