Cozy Cafe

营业中

休息中

周末晏起身，最佳延续呢种懒洋洋感嘅方法就系去享用一个美式早餐。似乎今日到依间 Cozy Cafe 系一个唔错嘅选择，Cafe 位置唔系向大街，而系消防通道间嘅内街，所以非常清静；唔系住开依区或者要行个圈先揾到。店门留空门面洋溢著电影感十足嘅舒畅，眺望店内摆设亦充满台式悠闲咖啡店感，走进店内白色高楼底与疏落嘅食客嘅画面，自自然然弥漫一种安逸嘅空间感，完全配合伸延今日嘅懒惰感。一般美式早餐嘅 All day breakfast 多数会超 heavy，今次依个早餐嘅份量原全系轻量化咗，两片面包只比梳打饼略厚，沙律菜份量亦小得有点可怜；不过香脆十足嘅薯饼不挂一丝油膉味，烟熏三文鱼及又香又甜嘅台湾香肠帮依个早餐攞返唔小分，杯 hazelnut latte亦够香够滑。不过性价比嘅CP 值先系今餐最影响评分嘅地方，对美式早餐传统印象系大份大件。建议餐厅考虑改改个餐名称或者可以特出返个台湾香肠。虽然响落 Order 嘅时候已经用八达通支付咗今餐洗费，但系望返张单，是日懒洋洋嘅感觉就咁俾佢整醒咗。