雞翼山 (謝斐道) (已結業)

食咗呢几只鸡翼，唤醒咗我。原来我真系爱鸡翼。经过鸡翼山几次，今次真系忍唔住试下。$38/4只，仲可以加$18有野饮。我第一次食，就叫咗店长推荐嘅文青风玫瑰。等咗一阵就有得食。差啲忍唔住，唔记得相机食先。外表好靓，有小小花瓣喺鸡翼上面，上面仲插咗支旗，写住 「不要仪态⋯只想吃鸡翼」可以问佢拎手套或胶叉，我想keep 住𠮶少少仪态，唯有拣胶叉啦。哗，好好食，上面嘅蜜糖份量刚好，仲好入味。因为佢系即叫即炸，所以热辣辣，又甜甜地，好好味。下次要食其他味！