影片
更多
2014-08-17
3749 浏览
今日约咗舅母食晏，舅母提议食老富昌法国菜。呢间嘢响旺角仲有分店时（N年前嘅事～），果阵时仲有semi buffet我已经食过当时仲系普通西餐，味道冇咩特别所以今餐公主我其实冇咩期望，谂住求其食餐填饱肚就算点知又估你唔到有啲都唔差㖞 头盘可以拣西兰花蟹肉忌廉汤、田园蕃茄什菜汤或厨师精选沙律：西兰花蟹肉忌廉汤味道冇特别，所谓嘅蟹肉连丝都称唔上，只系有好微量嘅蓉，西兰花蓉系冇西兰花味，而且连忌廉味都冇 ；田园蕃茄什菜汤，好普通西餐厅或茶记嘅红汤 ，唯一系有好多洋葱又煮得好冧，钟意食洋葱嘅朋友就会好开心；厨师精选沙律亦冇怎特别，而菜亦唔新鲜，咬落好霉又唔爽脆。头盘呢一环老富昌真系唔掂档 另有一小篮法包，呢个唔错，都算热又够外脆内软。 公主我叫咗什菜烩羊肉仔，可能因为系羊仔嘅关系，唔会好膻但相对上羊味都唔够浓。而且好有趣地，啲羊仔肉又有好似牛扒咁嘅滑嘟嘟嘅筋，好有咬口 。但肉就烩得硬咗啲，有两旧𡁻到我牙都软，又有少少痴牙 。另外什菜有轻微嘅蒜蓉香味，但菜都系恰到冧晒，或者系急冻菜，所以无晒蔬菜应有嘅爽脆感。不过佢嘅饭、菜、肉比例好响应健康，3：2：1，而且份量好足，所以我都食净少少
呢间嘢响旺角仲有分店时（N年前嘅事～），果阵时仲有semi buffet我已经食过
当时仲系普通西餐，味道冇咩特别
所以今餐公主我其实冇咩期望，谂住求其食餐填饱肚就算
点知又估你唔到有啲都唔差㖞
头盘可以拣西兰花蟹肉忌廉汤、田园蕃茄什菜汤或厨师精选沙律：
西兰花蟹肉忌廉汤味道冇特别，所谓嘅蟹肉连丝都称唔上，只系有好微量嘅蓉，西兰花蓉系冇西兰花味，而且连忌廉味都冇 ；田园蕃茄什菜汤，好普通西餐厅或茶记嘅红汤 ，唯一系有好多洋葱又煮得好冧，钟意食洋葱嘅朋友就会好开心；厨师精选沙律亦冇怎特别，而菜亦唔新鲜，咬落好霉又唔爽脆。头盘呢一环老富昌真系唔掂档 另有一小篮法包，呢个唔错，都算热又够外脆内软。
公主我叫咗什菜烩羊肉仔，可能因为系羊仔嘅关系，唔会好膻但相对上羊味都唔够浓。而且好有趣地，啲羊仔肉又有好似牛扒咁嘅滑嘟嘟嘅筋，好有咬口 。但肉就烩得硬咗啲，有两旧𡁻到我牙都软，又有少少痴牙 。另外什菜有轻微嘅蒜蓉香味，但菜都系恰到冧晒，或者系急冻菜，所以无晒蔬菜应有嘅爽脆感。不过佢嘅饭、菜、肉比例好响应健康，3：2：1，而且份量好足，所以我都食净少少
舅母叫咗焗石斑柳，鱼柳嘅肉质好结实，一啲都唔霉，而且又有鲜味亦唔太咸，好有惊喜 。而且焗完嘅表面脆卜卜，好香口。但所谓嘅蟹肉香槟牛油汁咪又系一般牛油汁～边有咩蟹肉香槟啫？
妈妈叫嘅系烧春鸡。其实公主我一向唔多钟意叫烧春鸡，唔系唔喜欢食，而系唔系间间餐厅都整得好：一，唔熟又标血水，真系你食埋我果份喇；二，烧到熟过龙，咁啲肉就会又干又鞋到无朋友。但老富昌今次真系令公主我喜出望外，因为除咗鸡脾之外，佢连鸡胸都好滑，鸡味亦好香又唔过咸。公主我大力推介。 唯一系鸡皮俾汁淋到冧晒，一啲都唔香口，唔够脆卜卜。 不过个他力干磨菇烧汁，几好有磨菇肉但我真系唔系好食到他力干嘅味（Tarragon，他拉干应该系较常见嘅名，如果叫呢个名大家应该好熟识啲）不过配石班同春鸡嘅薯蓉就唔得喇，唔系新鲜煮而系用粉开水整嘅，即刻令公主我好有KF鸡嘅感觉。之但系，以咁嘅价钱，算～
最近妈妈去学煮咖啡，所以佢觉得个Cappucino有啲over cooked，有朕㶶味。
反而个冻柠茶几好，茶味够香，柠檬亦够所以笃得出味来。以佢嘅价钱，主菜真系好好食，但个头盘真系要大力改善！
张贴
