森川駅弁当 (已結業)

Elements食晏食到好厌之际，忽然见到啱啱开张嘅便当屋，二话不说就冲入去。可能因为新开店嘅关系，店内人头涌涌，好彩店内布置简单并且整齐，所以不至于好逼。便当款式虽然唔算多，但卖相系十足十东京见到咁嘅…… 非常！系非常吸引！最终拣咗「鳗鱼便当」，因为怕中伏，所以揾盒份量细少少先。返到Office即试… 呜呀！！鳗鱼汁冇死甜，鱼新鲜，皮咬落有韧度，饭粒粒分明，完全系我杯茶。另外，配菜𠮶粒白果食落甘甘哋，开胃到呢｡最后要赞系收银店员嘅好礼貌、笑容令人印象深刻。