東京魚市場

营业中

休息中

住青衣嘅朋生日指明要食日本菜，喺OP揾咗近青衣、荃湾地区嘅餐厅，揾揾下发现有间工厦嘅日本菜，根据我喺工厦揾食嘅经验，喺工厦开得嘅餐厅都系好嘢嚟，于是就约朋友嚟东京鱼市场试吓。呢度嘅晚市可以选择Omakase或者散叫，朋友就拣咗Omakase睇吓有咩惊喜，最后拣咗个二人前晚餐A。头盘鸡泡鱼干+枝豆+日本生蚝鸡泡鱼干明显有即烤焗，上枱时仲系热焫焫。枝豆都系暖笠笠日本生蚝好特别，额外加咗柠檬汁嘅珠珠，入口将蚝嘅鲜味提升。寿司四款包括：带子、海胆、中拖罗、鲷鱼带子入口嫩滑口感；海胆啖啖海水味，一D都唔腥；中拖罗鱼油味道甘香；鲷鱼口感软熟，鱼皮&鱼肉同样鲜味。串烧四款包括：烧鸡皮、墨鱼咀、鸡翼及烧元贝鸡皮烧到好似薯片咁香脆；墨鱼咀爽口弹牙；鸡翼外脆内软；元贝啖啖肉之余亦好香牛油味！烧银雪鱼皮脆肉嫩滑刺身拼盘款式多，包括中拖罗、油甘鱼、牡丹虾、赤贝、象拔蚌、冰螺、带子、北寄贝。食埋个猪滑浓汤乌冬，乌冬口感滑滑，汤底超浓郁。最后食埋个四色雪糕，大满足。