旺記冰室 (大本型) (已結業)

今日放假行下揾下有啲乜嘢食，之前经过见到呢间位于大本型foodcourt出面嘅旺记冰室都有唔少人食，仲听闻啲滑蛋好好食，星期日都有下午茶餐，所以一于试下。🤣等咗一张枱就入得，周末下午都几满座，环境算几舒服，啲枱都唔迫，侍应亦几有礼貌。下午茶餐有7️⃣款拣，唔算太多选择但都有唔同款式，价钱亦几大众化，餐已包热饮。我就叫咗B餐嘅鲜忌廉鸡汤鲍鱼火腿丝通粉餐($38)，配鲜牛油麦包多士🍞同4.3牛奶炒日本滑蛋🥚。个通粉嘅质感好好味，一啲都唔淋，最重要系佢个汤真系好好饮，好正，虽然唔系creamy果种但好入味，佢写汤头系用鲜鸡🐔淆制的，我亦都觉得真系无味精。多士同炒蛋都好食，多士特别在系用麦包，而且热辣辣好松软；炒蛋都好香好滑份量仲唔细。我呀爸呀妈就各自都叫咗F餐炸南乳鸡髀餐配薯条($38)，鸡髀🍗Size都ok，唔算巨型，但略嫌干身咗啲唔够Juicy，味道我觉得都唔错，偏淡嘅南乳味，不过我爸妈就嫌唔够咸。伴碟嘅炸薯条炸得好脆，而且仲有啲沙律🥗菜添。👍🏻👍🏻呀爸加咗$10要椰汁红豆冰，佢话都唔错，好浓椰汁🥥味，而且上面果啲好似系椰汁沙冰，够哂冰凉。总括嚟讲，大众价钱，性价比高，回头率大。😁😁😁