影片
更多
2021-12-06
1012 浏览
一直以嚟都好想试呢间主打养生米线嘅铺头，不过次次午市行过都比佢个条长长嘅人龙吓怕。个晚见咁啱夜晚8点左右收工，就谂住去撞下彩，睇下可唔可以排到队食下养生米线。好好彩，个晚去到门口都系得2个人等紧位，即刻决定个晚嘅晚餐就系呢间餐厅度解决。排咗大概15分钟队就入得去，虽然餐牌上有好多唔同口味、好吸引嘅米线款式，但个晚真系好想食麻油鸡，所以即刻落单叫咗碗药膳麻油鸡米线。落咗单无耐，大概5分钟左右，一碗好大碗、热辣辣嘅药膳麻油鸡米线就送到枱上。碗米线一放低喺枱面上，一浸好香嘅麻油同红枣味即刻扑埋个鼻到，同时视觉上亦都被出手大方、份量十足嘅红枣震撼到！第一啖试饮啲汤底，虽然就咁望落去碗汤好似好油咁，但饮落去一啲都唔觉得油腻，红枣、桂圆同枸杞味好重，亦令到啖汤恰到好处咁甜，成啖汤好顺畅咁就吞咗落食道。鸡就有4件，肉质非常嫩滑，唔会觉得干争争或者鞋口，好易咬开啲肉，鸡肉味都足。米线就不过不失，都尚算弹牙。于是乎，一碗咁大碗嘅米线就比我一啖汤、一啖米线、一啖红枣、再一啖鸡肉咁喺15分钟之内解决咗。虽然碗米线入面有好多红枣，但成碗米线真系好食到我唔想停口，最终我将啲红枣全部食哂，一粒都无放过。概括嚟讲
个晚见咁啱夜晚8点左右收工，就谂住去撞下彩，睇下可唔可以排到队食下养生米线。好好彩，个晚去到门口都系得2个人等紧位，即刻决定个晚嘅晚餐就系呢间餐厅度解决。
排咗大概15分钟队就入得去，虽然餐牌上有好多唔同口味、好吸引嘅米线款式，但个晚真系好想食麻油鸡，所以即刻落单叫咗碗药膳麻油鸡米线。
落咗单无耐，大概5分钟左右，一碗好大碗、热辣辣嘅药膳麻油鸡米线就送到枱上。
药膳麻油鸡米线
$66
70 浏览
0 赞好
0 留言
碗米线一放低喺枱面上，一浸好香嘅麻油同红枣味即刻扑埋个鼻到，同时视觉上亦都被出手大方、份量十足嘅红枣震撼到！
第一啖试饮啲汤底，虽然就咁望落去碗汤好似好油咁，但饮落去一啲都唔觉得油腻，红枣、桂圆同枸杞味好重，亦令到啖汤恰到好处咁甜，成啖汤好顺畅咁就吞咗落食道。
鸡就有4件，肉质非常嫩滑，唔会觉得干争争或者鞋口，好易咬开啲肉，鸡肉味都足。米线就不过不失，都尚算弹牙。
于是乎，一碗咁大碗嘅米线就比我一啖汤、一啖米线、一啖红枣、再一啖鸡肉咁喺15分钟之内解决咗。虽然碗米线入面有好多红枣，但成碗米线真系好食到我唔想停口，最终我将啲红枣全部食哂，一粒都无放过。
概括嚟讲，呢碗系一碗色香味俱全嘅药膳麻油鸡米线，食完之后，成身都暖lup lup，生理上同精神上都非常满足！
真心十级推介呢间餐厅，啱哂啲钟意食药膳米线嘅吃货，绝对会揾日再嚟食埋其他养生米线!
题外话/补充资料：
P.S. 晚市嘅时候，成个楼面都系得一个姐姐负责哂，招呼客、落单、上菜、收银同执枱全部一脚踢，仲要服务态度keep 住咁好，完全无黑面，真系无得顶！绝对系模范员工！
(以上食记乃用户个人意见 , 并不代表OpenRice之观点。)
张贴
