Yadllie Plate 야들리애플래이트 (兆萬中心)

兆万中心除咗食放题之外，仲开咗间食传统道地韩式炸鸡嘅舖头，肥鸡梗系要去试吓啦。炸鸡方面，肥鸡试咗两款口味，第一款系大邱辣酱，第二系蜜糖乳酪炸鸡，想讲佢嘅辣酱炸鸡真系几辣，唔似以往为咗符合香港人口味嘅甜辣酱，肥鸡觉得几有惊喜。佢嘅八爪鱼煎饼，非常之足料，啲八爪鱼落得好重手，个饼底亦都煎到非常香脆，真心唔错。佢嘅芝士蟹籽蛋卷，入面嘅芝士系可以拉丝，配埋脆卜卜嘅蟹籽，食落口嘅感觉好正。天气冻，梗系食多个部队锅，肥鸡嗌咗玫瑰牛肉部队锅，佢嘅牛肉系偏牛肉碎，但系牛味几重，入边有好多料，有年糕，葱丝，午餐肉，肠仔，肥鸡仲加多咗个面，食完呢餐真系捧住个肚走。