8鍋臭臭鍋 (金巴利道) (已結業)

最近系尖沙咀staycation，去到夜晚想食宵夜既时候，发觉身边既铺头都关得七七八八，系呢个时候就发现左臭臭锅仲未关门，决定试一试佢，上网睇先知原来系来自台湾，系香港仲有两间分店，餐厅主要系以一人一锅既形式。佢每款锅物既配菜都唔同，有好多选择提供，而且觉得份量唔够既，仲可以加钱自选其他食物，另外佢每个套餐都可以选择要卤肉饭/科学面/白饭/粉丝，但前者两样都要额外加$10。(香蒜牛肉锅)-95$  (猪肉片)-42$今次我就选择左香蒜牛肉锅，另外再加左一份猪肉片，入面既配菜形形式式，可以令你试到好多唔同既食材，锅既汤汁浓郁，而且仲可以拣唔同既辣度，娃娃菜同栗米吸哂啲汤汁，食落好惹味，而且牛肉份量好多，原本仲担心肉太少先另外加猪肉，但发觉原来系唔需要既，因为佢系一人锅形式，所以各样食材比既份量偏少，假如想同另一半share既，最好就额外加啲野食，但整体感觉好好，绝对会再试下其他唔同锅物。