松山日式放題 (已結業)

今日我家奶奶大寿，最爱大吃大喝的老爷提议食放题，于是我胆粗粗建议尖沙咀松山！原因是五月份左右与好友聚旧时已帮衬过一次，𠮶次已经觉得唔错，因为有生蚝，蟹脚，带子等任食 而且服务一流，所以印象几好！不过好多时d放题都系第一次好，下次再去就水准十级下降，所以今次都担心会失望，扫老爷奶奶生日雅兴。。。好彩今次不但无失望仲喜出望外，因为生蚝，刺身全部都上得好快，无漏单，仲要件件都切得大大件，又新鲜 寿司都做得好好，上面件鱼生都超大件，绝无欺场，返叫咗几转都一样好质素！熟食方面，我哋最欣赏个"虾兵蟹盖”，好食之余仲有Q版外形，另外羊鞍都唔错，唔"稣"又唔"un" ,天妇罗都ok,旧虾唔会梅淋淋！另外，最值得一提系服务员，个个都主动收碟，加茶，其中有一位上咗年纪嘅叔叔十分勤力，又友善又会主动推介食物，睇得出叔叔好有心，好想做好份工，真心觉得好服务！希望我下次再帮衬松山，可以keep到水准，包括食物同员工！好开心屋企人对今餐满意