Bistro Breton by La Creperie (已結業)

遇然机会下有得试食呢间la creperie 旗下嘅法国餐厅，估唔到有意想不到嘅质素。首先食嘅喺一道鱼汤。鱼汤有浓密嘅鲜味，本身我仲记错以为系一道龙虾汤。鱼汤配备咗一份芝士，将芝士倒入鱼汤更令鲜味升华。然后系一碟龙虾意粉，一食就食得出系选用左好优质嘅意粉，龙虾更加唔系平时香港食开嘅波士顿龙虾，肉质更实，鲜味更胜平时龙虾，龙虾用香料腌过，味道层次相当丰富。最impressive嘅系佢意粉嘅酱汁系好浓郁好新鲜嘅嘅龙虾味道，令我醒起有听过法国菜系唔会浪费食材嘅任何部分，想必意粉酱汁系用烹调龙虾时留下嘅精华制成，食得出所有食材都非常新鲜，非常有心机。最后系甜品，橙味嘅crepe。la creperie本身就系香港crepe嘅market leader。crepe当然唔会令人失望。 餐厅环境优雅，服务良好，整个用餐体验同食物质素就好似当年系法国旅行嘅体验咁。呢间法国bistro绝对会令人有惊喜。