喜善中餐廳 (已結業)

一行六人， 想喺九龙湾附近舒舒服服咁食一餐晚餐。因为怕咗德福嘅拥挤情况，于是就拣左系九龙湾Emax 嘅喜善食中菜。原来7月中开始，喜善有中菜dinner buffet，周五价钱 $238一位， 6个人就有75折，计起来每人 $200左右，自助午餐价钱食自助晚餐，于是抱著食环境及招呼心态不防一试。酒楼个地方好宽敞干净，不过见净系得小猫三四只，初初都唔抱有厚望。坐低咗睇原来食品嘅选择都系好多，可以话系意料之外。首先试咗片皮鸭主打，皮脆而肉嫩，唯一要扣分是薄饼皮太细及黏难包。至于另一主打三文鱼， 味道十分鲜甜，水准不下于元x寿司。另有成2.5吋长冻虾，全都是大大盘放在台上任取， 全场不停添加，单吃两样已回本。其他𩠌菜还有冷盘嘅寿司、沙律、 八爪鱼等等 ;  热汤有翅同椰子鸡汤， 另热薰有鱼、烧味、 东风螺、青口、带子 等， 甜品重有好多样不同款中西糕点及糖水(慕士、 马豆糕、 钵仔糕、曲奇饼、雪糕、 龟苓膏、 红枣燕窝糖水、 红豆沙及咋喳)。比起坊间自助餐，虽然缺少牛扒及即切寿司台，但以质量比，吃足三小时， 可用平靓正三字总结。