喜多嬉牡蠣屋 (已搬遷) 新店位置

呢间牡蛎屋严选嚟自冈山县、逾六十年历史嘅北木岛喜多嬉牡蛎养殖场嘅生蚝，品质有保证！喺90分钟内大家可以狂食生、熟蚝、烧帆立贝、特色串烧、茶渍饭同埋汤/捞手延乌冬等美食，蚝控必须收藏！𖦹 食べ放题90分钟 $498先出场嘅系前菜喜多嬉九品，卖相精美，有象拔蚌刺身、喜多嬉牡蛎茶渍饭、二色烧活白鳗、天妇罗秋葵、手工月见烧鸟串、天妇罗紫苏叶吞拿鱼蓉、时令沙律同日式渍物，其中以口感弹牙嘅手工月见烧鸟串最令人印象深刻，如果有得encore呢set就好了。跟住落嚟当然系主角生蚝。大只嘅佢有我只手掌咁大，食落肉质爽口鲜味，配上偏酸嘅士佐酢啫喱同微辣萝卜蓉，更显蚝嘅甜味。我地食咗三四round，每只都系新鲜、胀卜卜的！串烧方面试咗羊肉、墨鱼仔、鸡心、秋葵同蕃薯，可惜整体比较干，烤过龙咗啲。好彩加埋酱料食，即刻加返分：有XO酱、蒜蓉酱、我超钟意嘅孜然酱、以及香口唔太辣嘅秘制魔鬼辣椒粉。另推荐香脆嘅烧味淋鱼干，同埋劲滑嘅牡蛎秘制捞五岛手延乌冬。饮品叫咗梨山乌龙、白桃乌龙两款冷泡茶，解腻消济。